Golovkın men Alvarestiń dál tıgizgen soqqylary esepteldi

ASTANA. QazAqparat - Youtube jelisindegi «Artorias Boxing» arnaıy Gennadıı Golovkın men Saýl Alvares jekpe-jeginde dál tıgen soqqylardy eseptep shyǵardy. Beınebaıanǵa sáıkes, GGG aıqyn basymdyqpen jeńiske jetti, dep xabarlaıdy QazAqparat tilshisi.

Dál tıgen soqqylardyń ara qatynasy 181:82 bolyp shyqty. Atap aıtqanda, 1-shi raýnd - 8:8, 2-shi raýnd - 11:8, 3-shi raýnd - 10:9, 4-shi raýnd - 16:6, 5-shi raýnd - 17:5, 6-shi raýnd - 15:6, 7-shi raýnd - 15:4, 8-shi raýnd - 21:6, 9-shi raýnd - 13:5, 10-shi raýnd - 25:12, 11-shi raýnd - 13:4 jáne 12-shi raýnd - 17:9. Osylaısha, eki boksshy tek birinshi raýndta ǵana teń tússe, qalǵany qazaqstandyq boksshynyń úlesinde.

Aıta keteıik, AQSh-tyń Las-Vegas qalasynda ótken boks keshinde Gennadıı Golovkın meksıkalyq - Saýl «Kanelo» Alvarespen teń tústi . Dál osy sheshimmen jankúıeler de, sarapshylar da kelispeı otyr. Ásirese, Alvareske 118-110 esebimen jeńis berip qoıǵan Adelaıda Berdtyń esebine narazylyq qatty.