Golovkın men Alvares úsh jekpe-jek ótkizedi - De La Hoııa

ASTANA. QazAqparat - Eki nusqa boıynsha burynǵy álem chempıony meksıkalyq Kanelo Alvarestiń (49-1-2, 34 KO) promoýteri Oskar De La Hoııa onyń qamqorlyǵyndaǵy sportshynyń Gennadıı Golovkınmen (37-0-1, 33 KO) aıqasy tek eki jekpe-jekpen shektelip qoımaıtynyna senimdi, dep habarlaıdy «SPORTINFORM» SAA.

Eske salaıyq, taıaýda boksshylardyń qarymta aıqasy týraly resmı habar jarııalanǵan bolatyn. Revansh 5 mamyr kúni AQSh-ta ótedi. Olardyń alǵashqy jekpe-jegi byltyr qyrkúıekte teń nátıjemen aıaqtalǵan.

«Biz mundaı aıqasty kópten beri kórmegen edik, - dedi De La Hoııa The Desert Sun-ǵa bergen suhbatynda.

«Aıqasýdy kóksep turǵan orta salmaqtaǵy tamasha eki boksshymyz bar. Aıtpasa da qyzyq bolatyny belgili. Naǵyz bokstyń qandaı bolatynyn tanytpaq. Bizdi jyldyń taǵy bir boksy kútip turǵanyna senimdimin».

«Úshinshi aıqastyń bolýy da ǵajap emes, - dep jalǵastyrdy Oskar.

«Birinshi jekpe-jek teń nátıjemen aıaqtaldy, revanshta kim jeńiske jetse de, utylǵan adam esesin qaıtarǵysy keledi».