Golovkın men Alvares taǵy da teń túsedi - Baqtııar Artaev

ASTANA. QazAqparat - Olımpıada chempıony Baqtııar Artaev aldaǵy revanshqa qatysty óz boljamyn jasady, dep habarlaıdy QazAqparat tilshisi.

«Shyny kerek, ekinshi jekpe-jekke de obektıvti turǵyda qaraý qajet qoı. Aldaǵy revansh taǵy da teń aıaqtalatyn sııaqty. «Nege?» degen suraqqa jaýap bermeı-aq qoıaıyn, biraq bul - meniń jeke oıym, boljamym, kózqarasym. Jekpe-jek solaı aıaqtalady», - dedi B.Artaev QazAqparat tilshisine bergen suhbatynda.

Onyń oıynsha, revanshtyń sheshimi ótetin jerine baılanysty emes. Ekinshi jekpe-jek Las-Vegasta óte me, Nıý-Iorkte uıymdastyryla ma, báribir boksshylar teń túsedi. Osydan keıin olar úshinshi jekpe-jekti de ótkizbeýi de ábden múmkin.

«Osy jolǵy kelisimshartta revansh týraly eshteńe jazylmaǵan. Negizi, ekeýi de óz ataqtaryn saqtap qalsa, úlken abyroı ǵoı. Sondyqtan úshinshi jekpe-jek ótpeýi de múmkin. Revanshta nokaýt bolmaıdy. Óıtkeni ekeýi de myqty boksshy. Kelesi jekpe-jek Las-Vegasta bolatyn shyǵar. Sebebi ol jaqta halyq kóp jınalady. Úlken sharalar jıi uıymdastyrylady», - dep atap kórsetti B.Artaev.

Aıta keteıik, búgin Golovkın men Alvares revanshtyń ótetinin resmı túrde jarııalady. Al olardyń promoýterleri qarymta jekpe-jekti ótetin jeri men odan túsetin tabysqa boljam jasady.