Golovkın «meksıkalyq stıli» men tanymaldylyǵynyń qupııasymen bólisti

NUR-SULTAN. QazAqparat - Orta salmaqtaǵy álem chempıony Gennadıı Golovkın Compas On The Beat basylymyna bergen suhbatynda meksıkalyq jankúıerlerdiń súıispenshiligine qalaı ıe bolǵanyn jáne óziniń boks stılin nelikten «meksıkalyq» dep ataı bastaǵanyn aıtyp berdi. Bul týraly QazAqparat Sports.kz saıtyna silteme jasap habarlaıdy.

«Meksıkalyq stıl» uǵymyn GGG komandasy burynǵy tálimger – Meksıkanyń Tıhýana qalasynyń týmasy Abel Sanchespen birge bolǵan kezde kóbirek nasıhattady. 2019 jyldan beri Gennadııdi Djonaton Benks jattyqtyrady.

– Jurtshylyq sizdi «meksıkalyq stılińiz» úshin jaqsy kóredi. Los-Andjeleste turatyn meksıkalyqtardyń arasynda jankúıerlerińiz kóp. Nelikten meksıkalyq stıldi tańdadyńyz, bul qalaı boldy?

– Meniń «meksıkalyq stılim» sonshalyqty meksıkalyq emes. «Meksıkalyq stıl» menińshe ishki jan-dúnıe, stıl, ómir saltyn kórsetý. Seniń qanshalyqty shynshyl, qanshalyqty ashyq ekenińdi tanytý. Adamdar osyny unatady. Budan jalǵandyq kórmeıdi. Ózderine ortaq nárselerdi tabady. Aıtalyq – ashyqtyq. Meniń jankúıerlerim sondyqtan kóp. Olardy óte jaqsy kóremin jáne alǵysym sheksiz. Olarmen baılanysty sezinemin, sebebi biz birdeı oılaımyz, kim ekenimizdi tanytamyz. Munyń bárin «meksıkalyq stıl» dep ataýǵa bolady. Olardyń meni túsingenine, unatqanyna rızamyn. Bul tamasha ǵoı.

Foto: sports.kz