Golovkın mansabyn qashan aıaqtaıdy - «Kanelo» bapkeriniń boljamy

NUR-SULTAN. QazAqparat – Saýl «Kanelo» Alvarestiń (53-1-2, 36 KO) bapkeri Edı Reınoso 38 jastaǵy Genadıı Golovkınniń (40-1-1, 35 KO) rıngte áli qansha ýaqyt judyryqtasatyny týraly boljam jasady, dep habarlaıdy QazAqparat Sports.kz saıtyna silteme jasap.

- Golovkın áli nokaýtqa túsken joq, ol myqty jáne tártipke baǵynatyn boksshy. Meniń oıymsha, ol shamamen eki jyl ýaqyt jaqsy deńgeıde óner kórsetedi, - dedi Reınoso.

Eske sala keteıik, Golovkın «Kanelamen» eki ret judyryqtasqan bolatyn. 2017 jyly alǵashqy aıqasta teń oıyn bolǵan edi. Al bir jyl ótken soń bolǵan jekpe-jekte tóreshilerdiń sheshimimen jeńis mekıkalyq boksshyǵa berilgen bolatyn. Alvares pen onyń komandasy Gennadıımen rıngte jyl sońynda kezdesetinine úmittenedi. Alaıda buǵan deıin qazaqstandyq boksshynyń ózi málimdegendeı, ol IBF tujyrymy boıynsha orta salmaqta álem chempıonyna úmitker, polıak boksshysy Kamıl Sheremetamen (21-0, 5 KO) judyryqtasýdy josparlaǵan.