Golovkın: Maǵan senińizder, kelesi joly keremet aıqas bolady

NUR-SULTAN. QazAqparat - IBF jáne IBO nusqalary boıynsha orta salmaqtaǵy álem chempıony tıtýlynyń ıegeri Gennadıı Golovkın (41-1-1, 36 KO) jankúıerler onyń kelesi jekpe-jeginen kóńili qalmaıtynyn málimdedi, dep habarlaıdy QazAqparat Sports.kz-ke silteme jasap.

Búgin tańerteń GGG 14 aı degende alǵash ret rıngke oralyp, polıak Kamıl Sheremetany (21-1, 5 KO) jeńdi. Osylaısha óz dıvızıonyndaǵy chempıondyq tıtýldardy rekordtyq 21-shi ret qorǵady.

Qazaqstandyq promoýter Eddı Hırn ESPN-ge bergen suhbatynda Golovkınniń osy jekpe-jekten keıin óz mansabynyń bolashaǵyn ózi anyqtaıtynyn atap ótti. Gennadııdiń ózi de úlken jańalyq bolatynyn aıtty: «Maǵan senińizder, kelesi joly biz eń keremet jekpe-jek ótkizemiz», – dedi ol.