Golovkın Las Vegas Review Journal P4P- reıtınginde kósh bastady

ASTANA. QazAqparat - Las Vegas Review Journal basylymy álemdegi úzdik boksshylardyń pound-for-pound reıtıngin (salmaq dárejesine táýelsiz) jarııalady, dep habarlaıdy Sports.kz.

Onda WBA (Super), WBC, IBF jáne IBO tujyrymdary boıynsha orta salmaqtaǵy álem chempıony Gennadıı Golovkın kósh bastady.

«GGG eshkimmen aıqaspaıdy» degen sózderdi toqtatýǵa bola ma? Ol ótken jekpe-jekte orta salmaqtaǵy úzdik álem chempıony Denıel Djeıkobsty jeńdi. Saýl Alvarespen teń tústi, alaıda kópshiliktiń pikiri boıynsha jeńis Golovkınniń qorjynynda. Úsh belbeýdiń ıegeri óziniń myqty pancher ekenin dáleldep qana qoıǵan joq. Golovkın djebpen jumys istep, Djeıkobs jáne Alvarespen aıqasqanda jekpe-jektiń jyldamdyǵyn baqylady. Kóptegen boksshylar qazaqstandyq sekildi rıngte ózin ustaı almaıdy», - delingen jýrnaldyń saıtynda.

Las Vegas Review Journal P4P-reıtınginiń úzdik ondyǵy mynadaı:

1. Gennadıı Golovkın (37-0-1, 33 KO)

2. Terens Kroýford (32-0, 23 KO)

3. Saýl Alvares (49-1-2, 34 KO)

4. Vasılıı Lomachenko (9-1, 7 KO)

5. Maıkı Garsııa (37-0, 30 KO)

6. Errol Spens (22-0, 19 KO)

7. Kıt Týrman (28-0, 22 KO)

8. Gılermo Rıgondo (17-0, 11 KO)

9. Vısaksıl Vangek (44-4-1, 40 KO)

10. Entonı Djoshýa (19-0, 19 KO).