Golovkın Qazaqstan fýtbolshylaryn qoldaý úshin Astanaǵa ushyp shyqty

ASTANA. QazAqparat – Qazaqstannyń kásipqoı boksshysy Gennadıı Golovkın fýtboldan 2024 jylǵy Eýropa chempıonatyna irikteý kezeńi aıasynda ótetin Qazaqstan - Soltústik Irlandııa matchyn tamashalaý úshin Nıý-Iorkten Astanaǵa ushyp shyqty, dep habarlaıdy QazAqparat.

«Jaqynda úıde bolamyz. Ulttyq quramamyzdy qoldaý úshin 10 qyrkúıekte fýtbolda kezdesemiz», - dep jazdy G.Golovkın Instagram-paraqshasynda.

Qazaqstan men Soltústik Irlandııa quramalarynyń oıyny 10 qyrkúıek kúni elordadaǵy «Astana-Arena» stadıonynda ótedi. Bastalýy – saǵat 19.00-de.

Eske salaıyq, keshe 2024 jylǵy Eýropa chempıonatyna irikteý kezeńi aıasynda «Astana-Arenada» Qazaqstan Fınlıandııamen kezdesip, 0:1 esebimen jeńilis tapty.

5 týrdan keıin N tobynyń týrnırlik kestesi kelesideı qalyptasyp otyr: Fınlıandııa — 12 upaı, Danııa — 10 upaı, Slovenııa — 10 upaı, Qazaqstan — 9 upaı, Soltústik Irlandııa — 3 upaı, San-Marıno — 0 upaı.