Golovkın Qazaqstan boksshylaryn Azııa chempıonatyna daıyndaý úshin óziniń bapkerin shaqyrdy

<p>ASTANA. KAZINFORM &ndash;&nbsp;<strong>Bokstan erler arasyndaǵy Qazaqstan komandasy Ammandaǵy (Iordanııa) Azııa chempıonatyna daıyndyqty bastady. Birinshilik 30 qarasha men 12 jeltoqsan aralyǵynda ótedi</strong>.</p>

Ulttyq olımpıadalyq komıtettiń málimetinshe, daıyndyq protsesiniń bastapqy kezeńi Almatydaǵy oqý-daıyndyq jıynynan bastaldy. Bul jıyn jalpy fızıkalyq daıyndyq deńgeıin arttyrýǵa baǵyttalǵan.

Oqý-jattyǵý jıynyna Ulttyq Olımpıadalyq komıtet prezıdenti Gennadıı Golovkınniń shaqyrtýymen fızıkalyq daıyndyqtan amerıkalyq bapker Krıstofer Kamacho tartylǵan.

Maman Qazaqstan quramasynyń bapkerlik shtabyna kómektesip, boksshylardy qurlyqtyq birinshilikke daıyndaıdy.

Aıta ketý kerek, Krıstofer Kamacho kóptegen jyl boıy kásibı rıngtegi túrli jekpe-jegi aldynda Gennadıı Golovkınniń jattyǵý lagerlerine qatysqan. Sonymen birge ol tanymal MMA sportshylary Habıb Nýrmagomedov, Denıal Korme, Keın Velaskes, Lıýk Rokholdpen jumys istegen.

Buǵan deıin  bokstan Qazaqstan komandasynyń bapkerlik quramy Býdvadaǵy (Chernogorııa) jastar arasyndaǵy álem chempıonatyna qatysatyn Qazaqstan komandasynyń tizimin jarııa etken bolatyn.