Golovkın kásibı boksta qashan «súrinedi»

ASTANA. QazAqparat - Worldboxingnews.net saıty Gennadıı Golovkınniń (37-0-1, 33 KO) sporttyq mansaby birtindep quldyrap kele jatqandyǵy týraly aıtty, dep jazady Sports.kz.

«Golovkın Alvarespen birinshi kezdesýinde ony jeńý úshin bar kúshin saldy, alaıda sýdıalardyń sheshimimen ol múmkin bolmaı qaldy. GGG-nyń agressıvti stıli oǵan problema boldy, al ony «Kanelo» tıimdi paıdalandy. GGG 36 jasqa tolady, al «Kanelo» bolsa 28 jasqa da tolǵan joq. Golovkın ózi úshin rekord jasady, alaıda ýaqytty eshkim jeńe almaıdy.  Óıtkeni eń myqty degen boksshynyń ózi ómir boıy bıikte bolyp qala almaıdy. Golovkınniń kúsh-qýaty kún sanap azaıyp, al «Kanelonyń» qýaty artyp keledi. Golovkınniń kórkem karerasynyń qulaýy «Besinshi mamyrda» bastalýy múmkin», - dep jazady basylym.

Eske sala keteıik,  Golovkın men Alvarestiń 5 mamyrda ekinshi jekpe-jegi ótedi.