Golovkın — «Kanelonyń» úshinshi aıqasy ótýi yqtımal merzim jarııalandy

NUR-SULTAN. QazAqparat – Orta salmaqta IBF/IBO chempıony Gennadıı Golovkınmen jáne ekinshi orta salmaq sanatynda WBA, WBO jáne WBC tıtýldarynyń ıegeri Saýl «Kanelo» Alvarespen jumys isteıtin promoýter Eddı Hırn Sports Illustrated-ke bergen suhbatynda bıylǵy jyldyń qyrkúıek aıynda olardyń úshinshi jekpe-jegi ótýi múmkin ekenin aıtty, dep habarlaıdy QazAqparat Sports.kz saıtyna silteme jasap.

Bastapqyda Alvares 18 qyrkúıekte eknshi orta salmaqta álemniń absolıýtti chempıony ataǵy úshin IBF belbeýiniń ıegeri Kaleb Plantpen judyryqtasýdy josparlaǵan edi, alaıda, olardyń kelissózderi sátsiz aıaqtaldy.

Jýrnalıst Krıs Mennıks Matchroom Boxing basshysynan onyń ornyna GGG jáne «Kanelonyń» úshinshi aıqasyn ótkizý múmkin bola ma dep surady.

«Joq, men bul jekpe-jek qyrkúıekte bolýy múmkin ekenine senbeımin. Gennadıı Mýratamen jeltoqsandaǵy aıqasqa daıyndalǵanyn bilemin. Golovkın – «Kanelo» 3 jekpe-jegi ekeýi de rıngte óner kórsetkenshe qashan da ózekti bolady, ol kelesi jyldyń mamyr aıynda bolýy múmkin dep oılaımyn. Biraq meniń oıymsha, bizdiń kelesi sheshimimiz «Kanelo» 18 qyrkúıekte judyryqtasa ma, álde biz bıylǵy jyly taǵy bir jekpe-jek ótkizip, Plantpen jekpe-jektiń baǵytyn ózgerte me joq pa, sol bolmaq», — dep jaýap berdi Hırn.

Eske sala keteıik, Golovkın men Mýratanyń aıqasy Rojdestvoda (28 jeltoqsanda) ótedi.