Golovkın «Kanelony» Zorromen salystyrdy

ASTANA. QazAqparat - Qazaqstandyq boksshy Gennadıı Golovkın (37-0, 33 KO) The Press-Enterprise gazetine bergen suhbatynda óziniń kelesi qarsylasy - meksıkalyq Saýl Alvares (49-1-1, 34 KO) týraly pikirimen bólisti, dep habarlaıdy Sports.kz.

«Mende endi naǵyz aıqas bar. «Kanelo» - erekshe jigit. Ol - ulttyq qaharman. Ol Zorro sııaqty», - dedi GGG.

Zorro (Zorro) - Robın Gýd syndy oıdan shyǵarylǵan keıipker. «Maskadaǵy kaharman» Jańa Ispanııanyń muqtaj turǵyndaryna árdaıym kómekke keledi. Onyń súıikti qarýy -  rapıra, onymen óziniń belgisi - Z árpin syzyp qaldyrady.

Aıta keteıik, Golovkın - Alvares jekpe-jegi 16 qyrkúıekte Las-Vegastyń "T-Mobile Arena" sport kesheninde ótedi. Ýaqyt aıyrmashylyǵyna baılanysty atalǵan jekpe-jek Qazaqstanda 17 qyrkúıek kúni tańǵy saǵat 9:00-de tikeleı efırden kórsetiledi.