Golovkın «Kanelony» jeńý úshin ne isteýi kerek

ASTANA. QazAqparat - Boxingnews24.com saıtynyń avtory Den Embroýz qazaqstandyq boksshy Gennadıı Golovkın (38-1-1, 34 KO) meksıkalyq Saýl Alvarespen (50-1-2, 34 KO) úshinshi ret aıqassa, ony jeńý úshin neni ózgertý qajettigin aıtty, dep habarlaıdy Sports.kz. 

«Golovkın «Kanelony» jeńgisi kelse, óz stılin ózgertkeni jón. Bul degenimiz - eshqandaı djeb te, keıinge sheginý de bolmaýy kerek. Golovkın taza kúshti soqqylar berýi tıis, olaı bolmaǵan jaǵdaıda ol Las-Vegasta tanymal meksıkalyq sýperjuldyzdy ońaılyqpen jeńe almaıdy», - dep esepteıdi Embroýz.

«Kanelo» - GGG birinshi jekpe-jegi daýly teń nátıjemen aıaqtaldy, al rematchta meksıkalyq bokshsy tóreshilerdiń basym daýsymen jeńiske jetken bolatyn.