Golovkın «Kanelomen» judyryqtasqysy keletin qalany atady

ASTANA. QazAqparat - Qazaqstandyq bylǵary qolǵap sheberi Gennadıı Golovkın (37-0-1, 33 KO) komandasymen birge Dallas qalasyna bardy, dep habarlaıdy Sports.kz.

Onda Golovkın demeýshi kompanııa Tecate uıymdastyrǵan sharaǵa qatysyp, atalǵan qalada meksıkalyq Saýl Alvareske (49-1-2, 34 KO) qarsy revansh ótkizý múmkindikterin talqylady.

Sondaı-aq Gennadıı Amerıka Ulttyq fýtbol lıgasynda óner kórsetetin «Dallas Kovboız» klýbynyń vıtse-prezıdenti Ched Estıspen kezdesti. «Dallasqa kelip «Dallas Kovboıstaǵy» dosym Ched Estısti kórýge qýanyshty boldym. Bul qalada jekpe-jek ótkizý tamasha oqıǵa bolar edi», -dep jazdy Golovkın Tvıtterge.

Golovkın - Alvares revanshy 2018 jyldyń 5 mamyrynda ótedi dep kútilýde. Jekpe-jekti qabyldaýǵa Las-Vegas, Dallas (100 myńdyq AT&T Stadium arenasy) jáne Nıý-Iork qalalary úmitker bolyp otyr.