Golovkın «Kanelomen» jekpe-jekke tolyqtaı daıyn ekendigin aıtty

ASTANA. QazAqparat - WBA/WBC/IBO tujyrymdary boıynsha orta salmaqtaǵy álem chempıony Gennadıı Golovkın  men onyń qarsylasy Saýl «Kanelo» Alvares Las-Vegasta ekinshi aıqas aldyndaǵy sońǵy salmaq ólsheý rásiminen ótti, dep habarlaıdy Sports.kz.

GGG óz ınstagram paraqshasynda jankúıerlerine habarlama jasap, salmaq ólsheý rásiminen birneshe sýretter jarııalady.

«Daıynmyn. Erteńgi jekpe-jekti ótkizip almańyzdar», - dep jazdy ol.

Aıta keteıik, boksshylardyń sońǵy salmaq ólsheý rásimi men kóz arbasýy shıelenisken jaǵdaıda ótti. «Kanelo» Gennadııdi arandatyp, onyń mańdaıyna jaqyn keldi. Al, qarsylastar komandasy janjal shyǵaryp, ony uıymdastyrýshylar basqan edi.

Golovkın - Alvares ekinshi aıqasy Qazaqstan ýaqytymen 16 qyrkúıek kúni tańerteń bolady.

Foto: vk.com/ggolovkin