Golovkın «Kanelomen» úshinshi aıqastyń qaýpi týraly aıtty

NUR-SULTAN. QazAqparat –WBA Super, IBF, IBO tujyrymy boıynsha orta salmaqtaǵy álem chempıony Gennadıı Golovkın 17 qyrkúıekte Las-Vegasta ótetin Saýl «Kanelo» Alvarespen úshinshi aıqastan ne kútetinin aıtty. Bul týraly QazAqparat Sports.kz portalyna silteme jasap habarlaıdy.

GGG boljam jasaýdan bas tartty, degenmen, oqıǵanyń mańyzdylyǵyn atap ótti.

«Bizdi qandaı da bir úlken ózgeris kútip tur dep oılamaımyn, sebebi ol «Kanelo» bolyp, men GGG bolyp qalamyn. Biz sol baıaǵy adamdarmyz. Kelesi jekpe-jek biz úshin óte qyzyq, ol ózdiginshe tarıhı oqıǵa – bokstaǵy iri aıqas, úshinshi jekpe-jek. Bári kútip otyr dep oılaımyn. Ekeýmizdiń de óz ádis-tásilimiz bar, aıqas qalaı aıaqtalatynyn boljaý qıyn. Bul jekpe-jektiń qaýpi – qazir basqa jaǵdaı, basqa emotsııa jáne basqa jastamyz. Jankúıerler úshin úlken syı bolady dep úmittenemin. Qazir óz babymdamyn. Jattyqtyrýshym Djonaton Benks maǵan kómektesti. Men boljam jasaı almaımyn. Bul boks. Ekeýmiz de 100% daıynbyz. Bul biz úshin úlken aıqas. Biraq, bul aıqas men úshin qarapaıym jekpe-jek, sebebi men ony jaqsy bilemin, ol da meni jaqsy tanıdy. Mundaı deńgeıdegi ár aıqas asa mańyzdy. Men de ol sııaqty óz jumysyma 100% barymdy salyp jatyrmyn», - dedi Golovkın FOX Deportes-ke bergen suhbatynda.

Foto: www.sports.kz