Golovkın «Kanelomen» ekinshi jekpe-jeginde stılin ózgertýi múmkin

ASTANA. QazAqparat - Qazaqstandyq boksshy Gennadıı Golovkınniń jattyqtyrýshysy Abel Sanches óziniń shákirtiniń aldaǵy meksıkalyq Saýl Alvarespen bolatyn jekpe-jeginde bokstasý stıline ózgerister enýi múmkin ekendigi týraly aıtty, dep habarlaıdy Sports.kz.

«Hýlıo Sesar Chaves bir stılmen júzden asa jekpe-jek ótkizdi jáne ol eń myqty meksıkalyq boksshy. Golovkın aldaǵy jekpe-jekte birden shabýylǵa shyǵyp, qarsylasyn nokaýtqa túsirý jolyn usynbaq. Biz taǵy da birinshi jekpe-jektegi sııaqty jeńiske jetetin bolamyz», - dedi Sanches.

«Kanelo» men GGG ekinshi jekpe-jegi 15 qyrkúıekte Las-Vegastaǵy T-Mobile Arena-da ótedi.

Eske salaıyq, Golovkın men Alvarestiń promoýterleri alǵashynda aıqastyń bolmaıtynyn rastaǵan edi. Alaıda, keıin qaıta kelisim júrgizilip, bárine tıimdi sheshim qabyldandy. Golovkın men «Kanelonyń» ekinshi kezdesýiniń ótetini resmı túrde jarııa etildi.