Golovkın «Kanelomen» ekinshi aıqasta qansha alady

ASTANA. QazAqparat - Saýl «Kanelo» Alvarestiń múddesin qorǵaıtyn promoýter Oskar de la Hoııanyń aıtýynsha, eger Gennadıı Golovkın kóp qarjy tólenetin meksıkalyqqa qarsy jekpe-jekke kelispese, ol IBF talabyn oryndaý úshin az aqy alyp Sergeı Derevıanchenkomen aıqasýy kerek, dep habarlaıdy Sports.kz.

«Ne isteımiz, tipten jaqsy, IBF-tiń mindettegen úmitkerimen aıqassyn. Onyń 11-shi kásibı aıqasy sııaqty. Kelisim jasap, óziniń 1,5 mıllıonyn alsyn. Oǵan [Golovkın úshin] basqa tıimdi mámile joq. Ol «Kanelodan» jeńilip qalýdan qorqady. Biz jekpe-jekti uıymdastyrý úshin taǵy ne isteýimiz kerek? Ol mundaı jekpe-jekten 20 mıllıonnan astam qarjy tabady. Budan ol, alǵashqy aıqasta ketken esesin qaıtaryp, jankúıerleriniń kórgisi keletin jekpe-jegin usynady. Biz barlyq talapty oryndap otyrmyz, onyń taǵy taǵar qandaı kinási bar?», - dedi Oskar The Ring-ke bergen suhbatynda.