Golovkın «Kanelomen» aıqasynan keıin P4P-reıtınginde túsip qaldy

ASTANA. QazAqparat - Boks týraly jazatyn amerıkalyq jýrnalısterdiń qaýymdastyǵy (BWAA) P4P-reıtınginiń (salmaq sanatyna baılanyssyz) jańalanǵan nusqasyn jarııalady. Bul týraly Sports.kz habarlady.

Meksıkalyq boksshy Saýl Alvarespen (49-1-2, 34 KO) aıqasyn teń aıaqtaǵan qazaqstandyq Gennadıı Golovkın (37-0-1, 33 KO) ekinshi orynnan úshinshige túsip qaldy. Al Alvares bolsa tórtinshiden besinshi pozıtsııaǵa kóterildi.

BWAA-diń P4P-reıtınginiń TOP-ondyǵy:

1. Terens Kroýford (32-0, 23 KO) - 168 upaı
2. Vasılıı Lomachenko (9-1, 7 KO) - 152
3. Gennadıı Golovkın (37-0-1, 33 KO) - 148
4. Saýl Alvares (49-1-2, 34 KO) - 110
5. Gılermo Rıgondo (17-0, 11 KO) - 88
6. Maıkı Garsııa (37-0, 30 KO) 84
7. Kıt Týrman (28-0, 22 KO) - 52
8. Errol Spens (22-0, 19 KO) - 46
9. Naoıa Inoýe (14-0, 12 KO) - 40
10. Sergeı Kovalev (30-2-1, 26 KO) - 27. 

Eske salaıyq, Golovkınniń sońǵy jekpe-jegi 16 qyrkúıek kúni AQSh-tyń Las-Vegas qalasynda meksıkalyq sportshy Saýl Alvareske qarsy ótti. Tóreshilerdiń sheshimimen aıqas teń aıaqtaldy. Jeńimpaz anyqtalmaǵanymen, GGG barlyq belbeýlerin (WBA (Super), WBC, IBF jáne IBO tujyrymdary boıynsha) saqtap qaldy. 

Revansh 2018 jyldyń 5 mamyr kúni ótedi dep kútilýde.