Golovkın «Kanelomen» aıqasy aldynda jańa vıdeo jarııalady

ASTANA. QazAqparat - Qazaqstandyq boksshy Gennadıı Golovkın (37-0, 33 KO) Youtube-taǵy óziniń arnasynda meksıkalyq Saýl Alvarespen (49-1-1, 34 KO) aıqasyna arnalǵan jańa beınerolıgin kórsetti.

«Bul bokstaǵy eń úlken aıqas. «Kanelo» ekeýimiz boksqa óziniń pozıtsııasyn qaıtaratynymyzǵa senemin. Barlyǵy meniń stılimdi jáne «Kanelonyń» stılin biledi. Jekpe-jek úshin bul eń tıimdi ýaqyt. Men ózimdi tamasha sezinemin: jasym 35-te bolsa-daǵy ózimdi 25-ke sezinemin. «Kanelo» - 26-da, sondyqtan biz jaqynbyz. Bizdiń aıqas  - bul oıyn emes, bul naǵyz jekpe-jek! Ol da, men de muny uzaq ýaqyt qaladyq. Jankúıerler bul kezdesýden tabysty bolatynyna senimdimin», - deıdi Golovkın vıdeoda.

Eske salaıyq, 16 qyrkúıekte Gennadıı Golovkın meksıkalyq boksshy Saýl Alvarespen judyryqtasady. Osy jekpe-jekte Alvares GGG-diń tek eki ataǵy - WBA men IBF belbeýleri úshin ǵana talasady. Golovkın utylyp qalsa, onyń taǵy eki belbeýi - WBC men IBO bos qalyp, ony basqa boksshylar ózara sarapqa salady. Al qazaqstandyq boksshy jeńiske jetse, tórt belbeýine taǵy The Ring jýrnalynyń arnaıy belbeýin qosyp alady. Atalǵan basylym ony arnaıy Alvares úshin shyǵarǵan bolatyn. Ýaqyt aıyrmashylyǵyna baılanysty Qazaqstanda jekpe-jektiń tikeleı kórsetilimi 17 qyrkúıekte tańerteń bolady.