Golovkın «Kanelomen» aıqasy aldynda tolǵandyryp júrgen máselesin aıtty
02:05, 15 Qyrkúıek 2018
ASTANA. QazAqparat - WBA Super, WBC jáne IBO nusqalary boıynsha orta salmaqtaǵy álem chempıony Gennadıı Golovkın jýrnalısterge bergen suhbatynda amerıkalyq NVO telearnasymen aıaqtalyp kele jatqan kelisimsharty týraly aıtty, dep habarlaıdy QazAqparat Sports.kz saıtyna silteme jasap.
«Qazir aıtarlyqtaı eshteńe joq, qysym kórip jatqanym joq. Degenmen, sońǵy eki jylda NVO-men jekelegen túıitkilder boldy. Mysalǵa, meniń sońǵy jekpe-jegim. NVO kóptegen tamasha boksshylaryn, óz pozıtsııasyn joǵaltyp aldy... Men adamdardyń boksqa qyzyǵýshylyǵyn qaıtarǵym keledi. Eger NVO maǵan bul máselede kómekteskisi kelse, nelikten bolmasqa? Biraq dál qazir NVO úshin jaǵdaı múldem ózge jáne óte nashar», - dedi Golovkın.
Golovkınniń meksıkalyq Saýl Alvarespen rematchy Las-Vegasta 15 qyrkúıek kúni ótedi. Qazaqstanda boks shoýy 16 qyrkúıek kúni tańǵy saǵat 6-da bastalady. Ony «Qazaqstan» jáne «Qazsport» telearnalary tikeleı efırden kórsetedi.
Foto: vk.com/ggolovkin