Golovkın «Kanelodan» jeńilgennen keıin suhbat berýden nelikten bas tartty

ASTANA. QazAqparat - Orta salmaqtaǵy burynǵy álem chempıony Gennadıı Golovkınniń bapkeri Abel Sanches «Kanelomen» revanshtyń nátıjesi jarııalanǵannan keıin GGG nelikten birden rıngten túsip, Maks Kellermanǵa suhbat bermegenin túsindirdi, dep habarlaıdy Sports.kz.

Eske salaıyq, jekpe-jek tóreshilerdiń basym kópshiliginiń sheshimimen meksıkalyqtyń jeńisimen aıaqtalǵan edi.

«Rıngte úlken qýanyshty sátter bolyp jatqandyqtan, Gennadıı meni shaqyryp alyp: «Bul onyń sáti. Oǵan ýaqyt berińder», - dedi. Bizdiń suhbat berýge ýaqytymyz keıinirek te bolady. Ol «Kaneloǵa» sol sátten lázzat alýǵa múmkindik bergisi keldi. Kóptegen sózder aıtyldy, birneshe taqyryptar qozǵaldy. Biraq ol sátti buzatyndaı esh sebep joq. Bul, «Kanelonyń» sáti bolyp qala bersin», - dep jazdy Sanches Reddit-tegi (áleýmettik jańalyqtar saıty) óz konferentsııasynda.