Golovkın - «Kanelo» jekpe-jegine ne kedergi bolýy múmkin

ASTANA. QazAqparat - Boxingnews24.com saıtynyń kolýmnısi Maık Smıt orta salmaqtaǵy burynǵy álem chempıony Gennadıı Golovkın jobanyń shekteýli qarjylyq múmkindikteri sebebimen DAZN strımıngtik qyzmetimen kelisimshart jasamaıtynyna qatysty alańdaýshylyq bildirdi, dep jazady Sports.kz.

Keshe DAZN meksıkalyq Saýl «Kanelo» Alvarestiń 11 jekpe-jegin kórsetýge besjyldyq kelisim jasasqan. Alvares sol úshin kepildi túrde 365 mıllıon dollar kóleminde tabys tabady. Promoýter Eddı Hırn eger GGG Alvarespen úshinshi aıqasyn ótkizgisi kelse, oǵan DAZN-men yntymaqtastyqty bastaýǵa týra keletinin aıtty.

«Kanelonyń» DAZN-men kelisimshartqa qol qoıý sheshimi kompanııaǵa tamasha artyqshylyq berip otyr, biraq onyń ázirge basqa úlken esimdermen yntymaqtasa alý-almaýy belgisiz. DAZN-nyń qaltasy túpsiz emes. Golovkınniń DAZN-men kelisimge kelýine «Kanelomen» jasalǵan úlken kelisimshart kedergi bolýy múmkin. Meksıkalyq boksshy 11 jekpe-jegi úshin 365 mıllıon dollar aqsha tapsa, DAZN-ǵa jazylsa, GGG bul somanyń az ǵana bóligin alady. ıAǵnı, eger olar Golovkınge týra sondaı tıimdi usynys jasamasa, ashýyna tııýi ábden múmkin. Boks kórermeni Golovkındi «Kanelomen» bolǵan eki aıqastyń jeńimpazy dep sanap otyr ǵoı», - dep jazady Smıt.