Golovkın -«Kanelo» jekpe-jegine arnaýly beldik tańdap alyndy

ASTANA. QazAqparat - Búkilálemdik boks keńesi (WBC) Gennadıı Golovkın (38-0-1, 34 KO) men Saýl Alvarestiń (49-1-2, 34 KO) qyrkúıektegi jekpe-jeginde sarapqa salynatyn arnaýly beldikti tańdaý úshin jankúıerler arasynda saýalnama júrgizdi, dep habarlaıdy Sports.kz.

Saýalnamaǵa qatysqan jankúıerlerdiń 54% aq beldikke, 46% jasyl beldikke daýys bergen. Osyǵan oraı, jekpe-jektiń jeńimpazy alatyn WBC-diń arnaýly beldigi aq túste bolady.

Eske sala keteıik, «Kanelo» - GGG-diń alǵashqy kezdesýinde arnaýly beldikti Meksıkadaǵy ýchıolı úndi taıpasynyń qolóner sheberleri ázirlegen bolatyn.  Al Meksıkanyń «Sınko de maıo» merekesi kúni ótkizgen jekpe-jeginde Vanes Martırosıandy (36-4-1, 21 KO) jeńgen Golovkın tseltalı taıpasynyń sheberleri ázirlegen beldikti alǵan edi.

Golovkın men «Kanelonyń» ekinshi kezdesýi 15 qyrkúıek kúni Las-Vegasta ótedi.