Golovkın - «Kanelo» úshinshi jekpe- jeginiń basty sharty ataldy

NUR-SULTAN. QazAqparat - Boxingscene.com saıty Gennadıı Golovkın (40-1-1, 35 KO) men Saýl Alvares (53-1-2, 36 KO) arasyndaǵy úshinshi aıqas kórermensiz ótýi múmkin emes ekendigine senimdi, dep habarlaıdy QazAqparat Sports.kz-ke silteme jasap.

«Úshinshi jekpe-jektiń ótetin kúni men orny áli ózgerýi de múmkin, bul jankúıerlerge stadıondar men arenalarǵa qaıtadan jınalýǵa ruqsat berilýine baılanysty. Deńgeıi tómen kezdesýlerden ereksheligi — Golovkın men «Kanelo» arasyndaǵy úshinshi aıqas úlken tabys ákeledi, sondyqtan ony fanattardyń qatysýynsyz uıymdastyrǵan orynsyz», - dep jazady basylym.

Eske sala keteıik, qazirgi ýaqytta koronovırýs pandemııasyna baılanysty búkil álem boıynsha sporttyq jáne basqa da aýqymdy is-sharalarǵa tyıym salynǵan. Al Golovkın men Alvares arasyndaǵy úshinshi kezdesý ótýi tıis AQSh-taǵy jaǵdaıǵa keletin bolsaq, sońǵy derekter boıynsha onda koronavırýsty juqtyrǵandar sany 867 105 jetip otyr (44 464 adam qaıtys bolǵan).