Golovkın - «Kanelo» úshinshi jekpe-jeginiń aqyrǵy merzimi aıtyldy

NUR-SULTAN. QazAqparat - ESPN jýrnalısi Maık Koppınger Gennadıı Golovkın (41-1-1, 36 KO) men Saýl «Kanelo» Alvares (56-1-2, 38 KO) arasyndaǵy úshinshi jekpe-jektiń 2022 jyly ótetinine senimdi, dep habarlaıdy Sports.kz.

«Bizge «Kanelo» men GGG trılogııasyn kórý kerek. Golovkın sáýirde 40-qa tolady, biraq olar biz úshin eki epıkalyq aıqas ótkizdi. Endeshe muny kelesi jyly jabaıyq», - dep jazdy Koppınger áleýmettik jelide.

Golovkın men «Kanelo» alǵashqy jekpe-jegi 2017 jyly teń aıaqtaldy. Bir jyldan keıin boksshylar qarymta kezdesýinde baq talastyrdy. Bul joly tóreshiler kópshilik daýyspen jeńisti «Kaneloǵa» berdi.