Golovkın-«Kanelo» úshinshi jekpe-jegi 2021 jyly ótýi múmkin

NUR-SULTAN. QazAqparat - Boxingnews24.com jýrnalısi Shon Djons qazaqstandyq boksshy Gennadıı Golovkın men meksıkalyq Saýl Alvares trılogııasyn kútýge týra keledi dep esepteıdi.

Sarapshynyń pikirinshe, qyrkúıekte «Kanelo» ózine basqa qarsylas, álemniń chempıony orta salmaqtaǵy «WBA» belbeýiniń «turaqty» ıegeri, japon boksshysy Rıota Mýratany tańdaýy múmkin, dep jazady Sports.kz.

Eger onymen rıngke shyqqan jaǵdaıda Alvares pen Golovkınniń jekpe-jegi 2021 jyldan erte ótpeıdi.

«Jankúıerler «Kanelonyń» Mýratamen jekpe-jegine onsha qyzyǵýshylyq tanytpaıdy. Biraq bul aıqas qyrkúıek aıynda ótýi múmkin, ıaǵnı Golovkınge Alvaresti 2021 jylǵa deıin kútýge týra keledi», - dep jazdy Djons.