Golovkın «Kanelo» úshin eki álem chempıonymen jekpe-jekten bas tartýǵa daıyn

NUR-SULTAN. QazAqparat - Boxing.pl jýrnalısi Konrad Býdynek qazaqstandyq boksshy Gennadıı Golovkınniń (41-1-1, 36 KO) aldaǵy josparlaryna qatysty pikir bildirdi, dep habarlaıdy QazAqparat Sports.kz saıtyna silteme jasap.

Sarapshynyń paıymdaýynsha, 38 jastaǵy qazaqstandyq boksshynyń basqa qoljetimdi nusqalarynyń bar bolǵanyna qaramastan, basty maqsaty Saýl «Kanelo» Alvaprespen (54-1-2, 36 KO) úshinshi ret jekpe-jek ótkizý bolyp otyr.

«Promoýterler Golovkınge áýeli Mýratamen, sosyn Andrademen judyryqtasýǵa ruqsat beretin edi, biraq olar sońǵy sátke deıin onyń «Kanelomen» trılogııasyna úmitti», - degen senimde Býdynek.

Buǵan deıin Golovkınniń promoýteri Eddı Hırn onyń Rıota Mýratamen (16-2, 13 KO) jekpe-jeginiń jeltoqsan aıynda ótýi múmkin ekenin aıtqan bolatyn. Demetrıýs Andradege (29-0, 18 KO) keletin bolsaq, ázirge GGG komandasy bul jekpe-jekke asa úlken qyzyǵýshylyq tanytpaı otyr.