Golovkın «Kanelo» týraly: Oǵan degen bar qurmetimdi joǵalttym

ASTANA. QazAqparat - Qazaqstandyq boksshy Gennadıı Golovkın (38-0-1, 34 KO) aldaǵy jekpe-jektegi qarsylasy meksıkalyq Saýl Alvareske (49-1-2, 34 KO) qatysty pikir bildirdi, dep habarlaıdy Sports.kz.

«Menińshe, «Kanelo» menimen kezdesip, kózime qaraǵysy kelmeıdi. Sebebi aıtqandarymnyń bári ras ekenin biledi. Men «Kaneloǵa» degen bar qurmetimdi joǵalttym, ol ózgerip ketken. Men oǵan pysqyryp qaramaımyn. Aıqas ótkizý úshin 15 qyrkúıek kúni boı kórsetedi degen úmittemin. Oǵan muny dáleldeý kerek. Kelissózder me (ekinshi aıqasqa qatysty)? Olar «Kanelo» men Golden Boy úshin tıimdi boldy», - dedi Golovkın.

Eske salaıyq Golovkın men Alvarestiń revanshtyq kezdesýi bıylǵy 15 qyrkúıekte Las-Vegas qalasyndaǵy T-Mobile arenada ótedi.