Golovkın: «Kanelo» menen qashyp, dıvızıon aýystyrǵan bolýy múmkin

NUR-SULTAN. QazAqparat – IBF jáne IBO nusqalary boıynsha orta salmaqtaǵy álem chempıony Gennadıı Golovkınniń oıynsha, Saýl «Kanelo» Alvarestiń dıvızıon aýystyrý týraly sheshimi onyń úshinshi ret qazaqstandyqpen jekpe-jekke shyqqysy kelmegenimen baılanysty bolýy múmkin. Bul týraly Sport.kz jazady, dep habarlaıdy QazAqparat.

Ekeýiniń 2018 jyly bolǵan aıqasynan keıin meksıkalyq tolyǵymen ekinshi orta dıvızıondy biriktirip, ortasha aýyr salmaqtaǵy tıtýldy jeńip aldy. Endi ol krýzerveıtke kóterilýdi josparlap otyr.

- Onyń salmaq sanatyn ózgertýiniń basty sebebi osy (úshinshi jekpe-jekten qashý) demeımin. Alaıda bul nusqa ras kórinedi. Ol DAZN aldyndaǵy mindetterine qaramastan, menimen úshinshi ret rıngke shyqqysy kelmedi. Ornyna basqa joldy tańdady. Bul jaǵdaı onyń menen qashyp júrgenin rastaıdy. Degenmen onyń dıvızıon aýystyrýynyń basty sebebi — men dep qatty aıtpaı-aq qoıaıyn, - dedi Golovkın El Paso Times-ke bergen suhbatynda.