Golovkın-«Kanelo»: Býkmekerlik keńse kimge úmit artyp otyr
08:37, 16 Maýsym 2018
ASTANA. QazAqparat - WBA Super, WBC jáne IBO tujyrymdary boıynsha orta salmaqtaǵy álem chempıony Gennadıı Golovkın (38-0-1, 34 KO) Saýl Alvarespen (49-1-2, 34 KO) bolatyn ekinshi kezdesýiniń aldyndaǵy jattyǵý sharalaryn bastaıdy, dep habarlaıdy Sports.kz.
«Qazirgi tańda Gennadıı Máskeýde júr. Ony Reseıge álem chempıonatynyń ashylý rásimine uıymdastyrýshylardyń biri shaqyrǵan. GGG fýtboldy unatady. Sol sebepti de barýǵa kelisken. Al Abel Sanches bolsa ony Kalıfornııada maýsym aıynda Bıg Bearda kútip alady»,-dep jazady ESPN tilshisi Salvador Rodrıges.
Aıta keteıik, Golovkın-Kanelonyń ekinshi kezdesýi 15 qyrkúıekte Las-Vegastaǵy T-Mobile Arenada ótedi. 1XBET býkmekerlik keńsesi qazir mynadaı koefıtsent usynyp otyr: Golovkınniń jeńisi -1.62, «Kanelonyń» jeńisi - 2.63, teńdeı 24.