Golovkın – «Kanelo» arasyndaǵy úshinshi jekpe jek ótetin kún belgili boldy

NUR-SULTAN. QazAqparat - The Athletic ınsaıderi Maık Koppındjer qazaqstandyq boksshy Gennadıı Golovkın (40-1-1, 35 KO) men meksıkalyq Saýl Alvares (53-1-2, 36 KO) arasynda ótýi múmkin úshinshi jekpe jek týraly jańalyqtarymen bólisti. Bul týraly QazAqparat Sports.kz saıtyna silteme jasap habarlaıdy.

Onyń bergen aqparaty boıynsha, jankúıerler «Kanelo» men GGG arasyndaǵy jekpe-jekti bıyl tamashalaı almaıdy.

«Kanelo» Alvares qazirgi kezde Sergeı Derevıanchenkomen 14 qyrkúıekte judyryqtasý týraly kelissózderdi júrgizý ústinde. «Kanelo» basqa qarsylastaryn da qarastyrýda, biraq olardyń arasynda Golovkın joq. «Kanelo» — GGG arasyndaǵy jekpe-jektiń 2021 jyl bastalǵansha ótýi ekitalaı», - dep jazdy Koppındjer Twitter-de.

Gennadıı Golovkın óziniń kelesi jekpe-jegin IBF tujyrymy boıynsha mindetti úmitker, polıak boksshysy Kamıl Sheremetaa (21-0, 5 KO) qarsy ótkizetini kútilip otyr. Bul judyryqtasý tamyz aıynda ótýi tıis.