Golovkın IBF belbeýinen aıyrylyp qalýy múmkin be
Sheteldiń buqaralyq aqparat quraldarynyń málimetine sáıkes, Gennadıı Golovkın IBF tıtýlynan aıyrylmaıdy. Alaıda aldaǵy jekpe-jekte atalǵan tıtýldy sarapqa sala almaıdy. Sebebi Halyqaralyq boks federatsııasy (IBF) Vanes Martırosıanǵa qarsy jekpe-jekke ruqsat bergen joq. «IBF 5 mamyrdaǵy jekpe-jekke ruqsat bermese de, Golovkındi óz belbeýinen aıyrmaıtyn boldy. Atalǵan tıtýldy ol 2015 jyly Davıd Lemege qarsy jekpe-jekte utyp alǵan bolatyn», - dep jazdy Los Angeles Times-tiń jýrnalısi Lens Pagmaır.
Onyń sózine qaraǵanda, aldaǵy jekpe-jekte Golovkınniń úsh tıtýly - WBA Super, WBC men IBO ǵana sarapqa salynady.
Aıta keteıik, buǵan deıin Halyqaralyq boks federatsııasy (IBF) Gennadıı Golovkındi ýkraınalyq boksshy Sergeı Dervıanchenkomen kezdesýge mindettegen bolatyn. Onyń promoýteri Lý DıBella da GGG-men jekpe-jek ótkizýdi talap etti. Eki boksshynyń komandalary ózara kelisimge de keldi. Búgin qazaqstandyq boksshy aldaǵy jekpe-jekti Vanes Martırosıanǵa qarsy ótkizetinintin resmı túrde jarııalady. Al AQSh Nevada shtatynyń Atletıkalyq komıssııasy Saýl Alvares dopıng qoldanǵanyna qatysty óz sheshimin shyǵardy.