Golovkın Habıb pen Makregordy jekpe-jekke shaqyrdy

ASTANA. QazAqparat - Qazaqstandyq orta salmaqtaǵy boksshy Gennadıı Golovkın Tmz.com suraqtaryna jaýap bere otyryp, aralas jekpe-jek sheberi reseılik Habıb Nýrmagomedov pen ırlandyq Konor Makgregormen sharshy alańda jekpe-jek ótkizý múmkindigine pikir bildirdi, dep habarlaıdy Sports.kz.

- Kelesi aıqasta qarsylasyńyz kim bolady?

- Bilmeımin, ázirge ıdeıa joq.

- MAA juldyzdarymen - Habıbpen nemese Makgregormen aıqas ótkizer me edińiz?

- Iá, olar - uly sportshylar jáne jaqsy jekpe-jek ótkizýge bolar edi.

- Qaısysymen?

- Ekeýimen de.

- Shynymen be?

- Iá.

- Olardy nokaýtqa túsiresiz be?

- Bilmeımin, eshkim de bilmeıdi.

- Siz rasymen Habıbpen nemese Makgregormen jekpe-jek ótkizýdi qalaısyz ba? Múmkin, Reseıde?

- Múmkin, nege ótkizbeske?

Aıta keteıik, Golovkın rıngke kelesi jyldyń kókteminde shyǵady degen boljam bar. Ol óziniń sońǵy kezdesýin 15 qyrkúıek kúni ótkizip, rematchta meksıkalyq Saýl Alvareske jeńilip, orta salmaqtaǵy ataqtarynyń barlyǵynan aıyrylǵan bolatyn.