Golovkın gonorary eń joǵary boksshylar reıtınginde 2-orynda

ASTANA. QazAqparat - Forbes jýrnalynyń saıty eń kóp aqy tólenetin boksshylardyń P4P reıtıngin jarııalady. Oǵan sáıkes, qazaqstandyq boksshy Gennadıı Golovkın tizimde meksıkalyq Saýl Alvarespen birge ekinshi orynda tur. Bul týraly VKontakte áleýmettik jelisinde «Qazaqstannyń kásipqoı boksy» jazdy, dep habarlaıdy QazAqparat.

Reıtıngti brıtanııalyq aýyr salmaq ókili Entonı Djoshýa bastap tur.

«Golovkın men Alvares bir-birine «baılanyp qalǵan» jáne olardyń bul baılanysy HBO PPV-de kórsetiletin jekpe-jektiń jeńimpazy jarııalanǵan kezde ǵana ajyraýy múmkin», - dep jazady materıal avtory Djosh Kattsovıtts.

Aıta keteıik, Golovkın men Alvarestiń alǵashqy jekpe-jegine bıletterdiń satylymynan 27,08 mıllıon dollar tústi. Bul kásipqoı boks tarıhyndaǵy úshinshi kórsetkish. Al HBO arnasyndaǵy eń tanymal PPV-kórsetilimder tiziminde bul aıqas jetinshi oryn aldy (1,3 mln úıde kórsetildi).

«Kanelonyń» dopıng-testten óte almaýy jáne sonyń tóńiregindegi daý-damaılar onyń Golovkınmen rematchyn birinshi kezdesýge qaraǵanda tanymalyraq etýi múmkin. Ne degenmen de, qosy boksshy aldaǵy jekpe-jekten ondaǵan mıllıon dollar paıda tabady (ótken joly Alvares 50 mln-nan astam, Golovkın 20 mln dollar aldy)», - dep jazady Djosh Kattsovıtts.

Forbes tujyrymy boıynsha eń kóp jalaqy alatyn boksshylar mynalar:

1. Entonı Djoshýa (burynǵy oryn - 1)

2. Gennadıı Golovkın (2)

2. Saýl Alvares (2)

4. Terens Kroýford (5)

5. Vasılıı Lomachenko (4)

6. Deonteı Ýaılder (7)

7. Errol Spens (6)

8. Aleksandr Ýsık (reıtıngten tys)

9. Maıkı Garsııa (10)

10. Denıel Djeıkobs (9)

11. Mennı Pakıao (13)

12. Djermell Charlo (11)

13. Djermall Charlo (12)

14. Dennı Garsııa (reıtıngten tys)

15. Shon Porter (reıtıngten tys).