Golovkın-Djeıkobs jekpe-jeginiń bıletteri satylatyn kún belgili boldy

ASTANA. QazAqparat - WBA (Super), IBO, WBC jáne IBF nusqasy boıynsha orta salmaqtaǵy álem chempıony, qazaqstandyq Gennadıı Golovkın (36-0, 33 KO) men WBA «turaqty» chempıony belbeýiniń ıegeri, sol salmaqtaǵy Denıel Djeıkobs (32-1, 29 KO) aıqasyna bıletterdiń satylymǵa shyǵatyn kúni jarııalandy, dep habarlaıdy Vesti.kz.

18 naýryz senbi kúni keshke ótetin boksqa bıletter satylymy 24 jeltoqsan kúni bastalady. Nıý-Iorktegi Madison Square Garden arenasyndaǵy bir orynnyń eń tómengi baǵasy 100 dollardy quraıdy. Al qymbat bılet quny 1 000 dollarǵa jetedi. Bıletterdi Madison Square Garden kassalarynda, sondaı-aq Ticketmaster.com saıtynda satyp alýǵa bolady. Jekpe-jekti HBO telearnasy aqyly tikeleı kórsetilim (PPV) arqyly kórermenderdiń nazaryna usynady. Kórermen tikeleı kórsetilim úshin 54,95 dollar tóleýi qajet.

Aıta keteıik, Madison Square Garden 17-18 myń adamǵa arnalǵan. Boks bolǵan ýaqytta arenaǵa 20 myńǵa deıin adam syıady.