Golovkın Derevıanchenkomen aıqasqa qalaı daıyndalyp jatqanyn kórsetti

NUR-SULTAN. QazAqparat – Qazaqstandyq kásipqoı bokshsy Gennadıı Golovkınniń ýkraınalyq Sergeı Derevıanchenkomen kezdesýi aldyndaǵy jattyǵýynyń vıdeosy jarııalandy, dep habarlaıdy QazAqparat tilshisi.

GGG sportzaldaǵy jattyǵýyn Twitter-paraqshasynda jarııalady. Vıdeoǵa boksshy «23 kún» degen jazba qaldyrdy.

Eske sala ketsek, Golovkın-Derevıanchenko jekpe-jegi 5 qazanda Nıý-Iorktegi (AQSh) «Madison Square Garden» arenasynda ótedi. Boksshylar IBF nusqasy boıynsha bos turǵan orta salmaqtaǵy álem chempıony tıtýlyna talasatyn bolady. Ol buǵan deıin meksıkalyq boksshy Saýl Alvareske tıesili bolǵan edi. Sondaı-aq ótken jyly IBF belbeýi Golovkınniń ózine de tıesili bolǵan, alaıda boksshy Derevıanchenkoǵa qarsy mindetti aıqastan bas tartqany úshin tıtýldan aıyrylyp qaldy.

Qos qarsylas buǵan deıin alǵash ret betpe-bet kezdesip, kóz arbasqan edi.