Golovkın-Derevıanchenko aıqasynyń anderkartyndaǵy juptardyń tolyq tizimi jarııalandy
«Qazaqstan kásipqoı boksy» VKontakte paraqshasynda joǵaryda atalǵan aıqastardyń tolyq tizimi jarııalandy. Olar:
Ivan Baranchık (19-1, 12KO) — Gabrıel Brasero (25-3-1, 6KO);
Charlz Konýell (10-0, 7KO) — Patrık Deı (17-3-1, 6KO);
Israıl Madrımov (3-0, 3KO) — Alehandro Barrera (29-5, 18KO);
Álı Ahmedov (15-0, 11KO) — Endrıý Ernandes (20-7-2, 9KO);
Braıan Sebalo (10-0, 5KO) — Haver Albonıka (14-2, 12KO);
Nıkıta Ababıı (6-0, 5KO) — Isaııa Seldon (13-2-1, 4KO);
Djo Ýord (debıýt) — Marko Delgado (5-1, 4KO);
Djonatan Arroıo (3-0-1, 1KO) — Djonatan Fıgeroa (2-2, 1KO).
Eske sala ketsek, qazaqstandyq kásipqoı boksshy Gennadıı Golovkın (39-1-1, 35KO) men ýkraınalyq Sergeı Derevıanchenkonyń (13-1, 10KO) jekpe-jegi 5 qazanda Nıý-Iorktegi (AQSh) «Madison Square Garden» arenasynda ótedi. Boksshylar IBF nusqasy boıynsha bos turǵan orta salmaqtaǵy álem chempıony tıtýlyna talasatyny buǵan deıin habarlanǵan edi. Kóp ótpeı atalmysh aıqasta odan bólek IBO vakantty tıtýly sarapqa salynatyny málim boldy. Qos qarsylas buǵan deıin alǵash ret betpe-bet kezdesip, kóz arbasty.
Atalmysh kesh aıasynda qazaqstandyq Álı Ahmedov jekpe-jek ótkizetini tamyz aıynyń sońynda resmı málim etilgen edi. Ahmedov G.Golovkın qurǵan GGG Promotions kompanııasynyń boksshysy. Ol buǵan deıingi aıqasyn da «Madison Square Garden»-de Gennadııdiń boks keshiniń aıasynda ótkizgen bolatyn. Qazaqstan ókili amerıkalyq Markýs MakDenıeldi nokaýtqa túsirip, ekinshi orta salmaqtaǵy WBC International Silver tıtýlyn ıelendi.