Golovkın - Derevıanchenko aıqasy «jyldyń úzdik jekpe-jegi» atandy

NUR-SULTAN. QazAqparat - 2019 jyldyń 5 qazanynda orta salmaqtaǵy IBF jáne IBO tıtýldaryn sarapqa salǵan Gennadıı Golovkın — Sergeı Derevıanchenko aıqasy BoxingScene nusqasy boıynsha jyl jekpe-jegi atandy, dep habarlaıdy QazAqparat Sports.kz silteme jasap.

IBF tıtýly úshin qazaqstandyq Gennadıı Golovkın men ýkraınalyq boksshy Sergeı Derevıanchenko arasynda bolǵan jekpe-jek 2018 jyly ótýi kerek edi: ýkraınalyq boksshy - Halyqaralyq boks federatsııasynyń belbeýge mindetti qarsylasy, al qazaqstandyq – belbeýdiń ıesi bolatyn.

IBF belbeýin qorǵaý mindetin Golovkın 2018 jyldyń tamyz aıynda alýy kerek edi, al sol jyldyń qyrkúıek aıynda meksıkalyq Saýl «Kanelo» Alvarespen judyryqtasýǵa tıis-ti. Áýelde jekpe-jek mamyrda ótedi dep josparlandy, biraq meksıkalyq boksshy dopıng-testten ótpeı qalyp, jekpe-jek jarty jylǵa keıin shegerildi.

Sol sebepti Golovkın tıtýldy qorǵaý mindetinen bas tartýǵa májbúr bolyp, belbeý ıesiz qaldy. 2018 jyldyń qazanynda Derevıanchenko belbeý úshin basqa mindetti qarsylas, amerıkalyq Danıel Djeıkobsqa qarsy shyǵyp, jeńilip qaldy. 2019 jyldyń mamyrynda Djeıkobs «Kanelo»-dan jeńilip, belbeýdi soǵan tapsyrdy.

Ashkózdik pen tákápparlyq Alvarestiń túbine jetti: ol IBF belbeýi úshin mindetti qarsylas Derevıanchenkomen kelissózge kónbedi, keıin Halyqaralyq boks federatsııasy oǵan úzildi-kesildi talap qoıdy, al Alvares tıtýldyq jekpe-jek úshin ýkraınalyqqa tıimsiz qarjylyq shart usyndy.

Ótken jyldyń tamyz aıynyń basynda IBF Alvaresti belbeýden aıyryp, tıtýldy ıesiz qaldyrdy. Bul belbeýge mindetti ekinshi úmitker, onyń burynǵy ıegeri, qazaqstandyq Golovkın boldy, onyń jekpe-jekke degen usynystary Alvarestiń avansyna qaraǵanda tıimdirek bolyp, 5-qazanda boksshylar rıngte kezdesti.

Jekpe-jek 12 raýndqa sozyldy, birinshisinde Golovkın ýkraınalyqty nokdaýnǵa jiberdi. Tóreshilerdiń biraýyzdan qabyldaǵan sheshimine kelispegendeı, nokdaýnǵa jiberdi degenge de ýkraınalyq qarsylyq tanytty. Ýkraınalyqtyń toıtarys berýi kútkennen de qyzyqty boldy, kóptegen sarapshylar bul jekpe-jekti ótken jyldyń boksyndaǵy eń mańyzdy oqıǵa dep baǵalady.

Kópshilik bul jekpe-jekti jyl jekpe-jegi dep moıyndaýdy kútti, solaı boldy da: bedeldi BoxingScene portaly ony jyl jekpe-jegi dep tanydy.

«Birinshi raýndtaǵy nokdaýnnan keıin Golovkın ony mansabyndaǵy eń qaljyratatyn judyryqtasý kútip turǵanyn bilgen joq. Tabandy Derevıanchenko men batyl Golovkın 11 raýnd boıy bir-birin surapyl soqqylarymen sharshatty, boks jankúıerleri bul judyryqtasýdy umytpaıdy», - dep jazdy BAQ 5 qazandaǵy jekpe-jek týraly.