Golovkın Brıtanııanyń boks jýrnaly P4P reıtınginde kósh bastady

ASTANA. QazAqparat - Brıtanııanyń 1909 jyldan beri shyǵatyn boksqa mamandanǵan Boxing News jýrnaly salmaq sanatynan tys úzdik boksshylar (pound-for-pound) reıtıngin jarııalady, dep habarlaıdy Sports.kz.

Jańa reıtıngde qazaqstandyq bylǵary qolǵap sheberi Gennadıı Golovkın kósh bastady. Onyń izin ala ýkraınalyq Vasılıı Lomachenko keledi, úzdik úshtikti AQSh ókili Terens Kroýford túıindedi.

Golovkınniń jattyǵýdaǵy serigi Mýrat Gassıevti jeńgen ýkraınalyq boksshy Aleksandr Ýsık segizinshi orynnan besinshi satyǵa bir-aq kóterildi.

Boxing News jýrnalynyń nusqasy boıynsha úzdik ondyqqa myna boksshylar kiredi:

1. Gennadıı Golovkın

2. Vasılıı Lomachenko

3. Terens Kroýford

4. Srısaket Sor Rýngvısaı

5. Aleksandr Ýsık

6. Maıkı Garsııa

7. Leo Santa Krýz

8. Naoıa Inoýe

9. Horhe Lınares

10. Entonı Djoshýa.