Golovkın bokstaǵy sybaılas jemqorlyq týraly aıtty

NUR-SULTAN. QazAqparat - Orta salmaqtaǵy IBF jáne IBO nusqalary boıynsha álem chempıony Gennadıı Golovkın (40-1-1, 35 KO) The Lockdown Tapes efırinde sporttaǵy sybaılas jemqorlyq týraly pikir bildirdi, dep habarlaıdy QazAqparat.

«Jemqorlyq, jemqorlyq jáne taǵy da jemqorlyq. Men bokstyń bolǵanyn qalaımyn, sport eń aldymen taza bolýy kerek. Iá, aýyr, men tipti ótkendi qozǵaǵym da kelmeıdi. Taǵdyryma Olımpıada chempıony bolmaı-aq, eńsemdi túsirmeı, sportshy bolyp qalǵanyma, ishki menimdi joǵaltpaǵanym úshin alǵys aıtamyn», - dedi Gennadıı Golovkın.

Golovkınniń suhbaty Matchroom Boxing YouTube kanalyna salynǵan. Júrgizýshi Krıs Lloıd aýdarmashy arqyly GGG-ge Djonaton Benkspen birge jattyǵýdan bastap, Bıg Benkstegi lager, onyń otbasylyq ómiri jáne bolashaqqa arnalǵan josparlaryna qatysty birneshe suraq qoıdy.

Bir aı buryn Gennadıı Golovkın karantınnen keıin birinshi kezekte ne isteıtinin aıtqan bolatyn.

«Karantınnen keıin birinshi kezekte boks zalyna baramyn» - dep jazǵan edi Gennadıı Golovkın óziniń Instagram paraqshasynda.

Keıinnen Golovkınniń (40-1-1, 35 KO) sopromoýteri Eddı Hırn qazaqstandyq boksshy kelesi jekpe-jegin qashan ótkizetinin habarlaǵan edi.