Golovkın bir jyldyq josparymen bólisti

NUR-SULTAN. QazAqparat - Orta salmaqtaǵy burynǵy álem chempıony Gennadıı Golovkın rıngtegi belsendiligin arttyryp, bir jylda tórt jekpe-jekke deıin ótkizýdi josparlaýda, dep habarlaıdy QazAqparat Sports.kz-ke silteme jasap.

8 maýsymda Gennadıı kanadalyq Stıv Rollspen jekpe-jek ótkizedi. Sodan keıin qyrkúıekte Saýl «Kanelo» Alvarespen úshinshi aıqas ótkizýge nıetti. Budan bólek, rıngke jyldyń sońyna qaraı shyǵýy múmkin ekenin joqqa shyǵarmady.

«Meniń DAZN-men kelisimshartym alty aıqasqa josparlanǵan. Eger Rollspen aıqas sátti ótse, kelesi jekpe-jek qyrkúıekte bolady. Eshqandaı problema («Kanelomen») týyndamasa, rıngke jeltoqsanda oralǵym keledi. Men qolymnyń bos bolǵanyn qalamaımyn. Bul meniń stılim. Men burynǵy mekteptiń boksshysy bolǵandyqtan, jylyna eki ret emes, birneshe ret bostasqym keledi. Men jylyna úsh-tórt jekpe-jek ótkizgim keledi. Chempıon bolýdy qalaımyn», - dep keltiredi GGG-diń sózin Los Angeles Times.