Golovkın aıyrylyp qalǵan beldik «Kaneloǵa» saltanatty túrde tabystaldy

ASTANA. QpazAqparat - Meksıkalyq boksshy Saýl Alvareske (50-1-2, 34 KO) WBC tujyrymy boıynsha ortasha salmaqtaǵy álem chempıony beldigi saltanatty túrde tabystaldy, dep habarlaıdy Sports.kz.

Bul beldikti «Kanelo» 15 qyrkúıek kúni qazaqstandyq boksshy Gennadıı Golovkınmen (38-1-1, 34 KO) ótken revanshtyq aıqastan keıin ıelengen bolatyn. Sondaı-aq meksıkalyq boksshy WBA Super beldigin, WBC arnaıy beldigin, The Ring jýrnalynyń bos beldigin jáne ІVO tıtýlyn aldy. Biraq ol sanktsııalyq jarnany tólegisi kelmeı, ІVO beldiginen bas tartqan edi.

Golovkın men «Kanelonyń» alǵashqy jekpe-jegi 2017 jyldyń 16 qyrkúıeginde Las-Vegasta ótti. Aıqas tóreshilerdiń sheshimimen teń aıaqtaldy.  

Gennadıı úshinshi aıqasqa da kelisimin berdi. Biraq Alvarestiń komandasy ony uıymdastyrýǵa asyǵyp otyrǵan joq. Saýl Alvarestiń kelesi jekpe-jegi 15 jeltoqsanda Nıý-Iork qalasynda ótedi. Onyń qarsylasy  WBA Super nusqasy boıynsha ekinshi orta salmaqtaǵy chempıon Rokkı Fıldıng (27-1, 15 KO) bolmaq.