Golovkın anasynyń týǵan kúnin Qaraǵandyda atap ótpekshi

ASTANA. QazAqparat - WBA (Super), WBC, IBF men IBO tujyrymdary boıynsha orta salmaqtaǵy álem chempıony Gennadıı Golovkın týǵan jerine kelýdi josparlap otyr, dep xabarlaıdy QazAqparat tilshisi.

Boksshynyń promoýteri Tom Lefflerdiń aıtýynsha, jumys kestesiniń tyǵyzdyǵyna baılanysty GGG-diń kelesi jekpe-jegi jeltoqsanda ótpeı qalýy ábden múmkin.

«Aldaǵy demalys kúnderi Gennadıı Qaraǵandyǵa barýdy josparlap otyr. Sol jaqta anasynyń týǵan kúnin atap ótpekshi. Sodan keıin Eýropaǵa, odan keıin Bakýda ótetin WBC Konventsııasyna ushyp barady. Atalǵan shara 1-6 qazan aralyǵynda ótedi. Golovkın AQSh-qa qazannyń ortasynda qaıtyp barýy kerek. Arǵy jaǵynda jeltoqsan da alys emes. Sondyqtan ol ýaqytqa naqty usynystar bolsa da, jeltoqsanǵa deıin úlgermeıtin shyǵarmyz. «Kanelo» revanshqa kelisse, mamyrǵa deıin kúte turamyz. Bolmasa, kelesi jyldyń basynda bir jekpe-jekti uıymdastyramyz», - dedi Lefller UCNLive.com-ǵa bergen suxbatynda.

Aıta keteıik, ótken demalys kúnderi AQSh-tyń Las-Vegas qalasynda ótken boks keshinde Gennadıı Golovkın meksıkalyq -Saýl «Kanelo» Alvarespenteń tústi.

Dál osy sheshimmen jankúıeler de, sarapshylar da kelispeı otyr. Ásirese, Alvareske 118-110 esebimen jeńis berip qoıǵan Adelaıda Berdtyń esebine narazylyq qatty.