Golovkın álemdegi eń tanymal konferanseni týǵan kúnimen quttyqtady
00:01, 03 Qarasha 2016
ASTANA. QazAqparat - Qazaqstandyq boksshy Gennadıı Golovkın daýysy boks áleminde eń tanymal konferanse Maıkl Bafferdi týǵan kúnimen quttyqtady, dep habarlaıdy QazAqparat.
«Týǵan kúnińmen, Maıkl! Kezekti birlesken jekpe-jekterdi taǵatsyzdana kútemin! #LetsGetReadyToRumble», - dep jazdy Golovkın Tvıtterge. Boksshy áleýmettik jelige sondaı-aq konferansemen birge túsken fotony ornalastyrdy.
Let's get ready to rumble! («Jekpe-jekke daıyndalamyz» - aǵylsh.) frazasy - Bafferdiń árbir gong aldynda aıtatyn sózi jáne ol ony 1980-inshi jyldardan bastap paıdalanyp keledi. Sondaı-aq Maıkl boks áleminde sportshylardy tanystyrýdaǵy ózindik úlgisimen tanymal.
Derekkóz: Sports.kz.