Golovkın álem chempıonymen jekpe-jek týraly kelissóz júrgizýde

NUR-SULTAN. QazAqparat – Qazaqstandyq boksshy Gennadıı Golovkın (41-1-1, 36 KO) jyl sońynda japondyq Rıota Mýratamen (16-2, 13 KO) jekpe-jekke shyǵýdy josparlap otyr, dep habarlaıdy QazAqparat Sports.kz saıtyna silteme jasap.

Alǵashqy bolyp bul jańalyqty DAZN tilshisi Krıs Mennıks habarlaǵan: «Derekkózder málimetinde, Golovkın men Mýratanyń ókilderi Japonııada birlesken jekpe-jek ótkizý týraly talqylaý júrgizgen. Jekpe-jek jeltoqsannyń aıaǵyna, Jańa jyl jáne Japonııadaǵy boks kúni qarsańyna josparlanýda».

Keıin bul aqparatty Golovkınniń promoýteri Eddı Hırn rastady: «Gennadıı Mýratamen jekpe-jekti 31 jeltoqsanǵa josparlap otyr». Sonymen qosa Hırn Golovkınniń buǵan deıin amerıkalyq Demetrıýs Andrademen (30-0, 18 KO) taǵy bir birlesken jekpe-jek ótkizetinine senim bildirdi.