Golovkın Alvarespen úshinshi jekpe-jekke daıyndalyp jatyr

NUR-SULTAN. QazAqparat - Gennadıı Golovkınniń bapkeri Abel Sanches onyń DAZN aıasyndaǵy alǵashqy jekpe-jegi tájirıbeli boksshymen ótetinin aıtty. Óıtkeni Golovkın qyrkúıekte Saýl Alvarespen (51-1-2, 35 KO) judyryqtasýǵa daıyndalyp jatyr. Bul týraly vringe.com-ǵa silteme jasap «SPORTINFORM» habarlaıdy.

«Bizge tájirıbeli qarsylas kerek, óıtkeni Golovkın qyrkúıekte Alvares nemese Mýngýııamen kezdesedi. Sol úshin ol naǵyz babynda bolýy kerek», - deıdi Abel Sanches.

Golovkın úshin basty maqsat - Alvarespen úshinshi jekpe-jek bolyp tur.

«Menińshe, jankúıerler de, sarapshylar da úshinshi jekpe-jekti kórgisi keledi. Óıtkeni olar Golovkın men Alvaresti orta salmaqtaǵy álemniń úzdik boksshylary dep sanaıdy. «Kanelo» Djeıkobstan ótip, biz maýsymda jeńiske jetsek, barlyǵy da Alvares tarapynyń enshisinde bolady. Olardyń úshinshi jekpe-jekti qalaıtyn-qalamaıtynyn sonda bilip alamyz», - deıdi Sanches.

«Biraq tek «Kanelo» emes, basqa boksshylar da bar. Másele tek chempıondyq belbeýlerdiń bolýynda ǵana emes, jekpe-jek te eldi qyzyqtyratyndaı bolýy kerek», - dedi ol.