Golovkın Alvarespen aıqas aldynda qalaı jattyǵýda

ASTANA. QazAqparat - Qazaqstandyq boksshy Gennadıı Golovkın (37-0, 33 KO) meksıkalyq Saýl Alvarespen (49-1-1, 34 KO) aıqastynyń aldynda qalaı jattyǵyp jatqanyn kórsetti, dep habarlaıdy Sports.kz.

«Men denemdi shyńdaý úshin kúsh túsiretin jattyǵýlar jasap júrmin. Sondaı-aq, biz moıynǵa salmaq túsirý arqyly jattyǵýlar jasap jatyrmyz. Meniń aǵam Maksım - ár aıqastyń aldynda meniń jattyǵýyma qatysady. Biz birge jumys isteımiz, ol maǵan únemi kómektesedi. Otbasy - men úshin bárinen mańyzdy», - dedi Golovkın.

Boksshynyń aıtýynsha, ol óziniń daǵdylaryn damytý úshin jańa ádister izdeıdi.

«Men Bıg Bearǵa kelgennen bastap jattyǵýlar úzilissiz júrip jatyr. Bapkerim Abel Sanches meni jekpe-jekke daıyndaý úshin jańa ádis-tásilder úıretýde. Men álem chempıonynyń qandaı bolý kerektigin bilemin, sondyqtan bar kúshimdi salyp jumys istep jatyrmyn», - dedi Golovkın.

Golovkın - Alvares aıqasy 16 qyrkúıek kúni (Qazaqstanda - 17 qyrkúıek tańerteń) Las-Vegastaǵy T-Mobile Arena-da ótedi.