Golovkın-Alvares úshinshi aıqasyna ne kedergi bolýy múmkin

ASTANA. QazAqparat  - Qazaqstandyq boksshy Gennadıı Golovkınniń bapkeri Abel Sanches meksıkalyq Saýl Alvarespen úshinshi aıqas bolatynyna senimdi. Alaıda, belgili bir jaǵdaılar ony ótkizýge kedergi bolýy múmkindigin aıtady, dep habarlaıdy QazAqparat  Sports.kz saıtyna silteme jasap.

«Aıqastyń bolatynyna senimdimin. Biraq barlyǵy oılaǵanyńdaı bola bermeıdi. Úlken josparlardy tas-talqan etetin nashar keńester berilýi múmkin... Menińshe, Golden Boy-dan Oskar (De la Hoııa) men Erık (Gomes) bútin boks úshin bul aıqastyń mańyzdylyǵyn túsinedi. Bul, jyl aıqasy bolýy múmkin. Biraq keıdi túrli jaǵdaılar bolady. Mindetti túrde Golden Boy úshin emes, nashar keńesshiler, menedjerler men basshylardan bolýy yqtımal», - dedi Sanches.

Eske salaıyq, Golovkın men Alvarestiń alǵashqy aıqasy teń upaımen aıaqtaldy. Revanshta jeńis  tóreshilerdiń basym daýysymen «Kaneloǵa» berildi.