Golovkın-Alvares revanshyn bıyl ótkizýge ne kedergi
«Kelesi aptada men «Golden Boy Promotions»-tiń jigitterimen kezdesemin. Golovkın men Alvares arasyndaǵy revanshty ótkizý máselesin talqylaımyz. Sondaı-aq, NVO telearnasynyń ókilderimen kelissózder ótkizemiz», - dedi T.Leffler ESPN Deportes arnasyna bergen suxbatynda.
Sheteldiń buqaralyq aqparat quraldary taratqan málimetke sáıkes, Golovkınniń komandasy tarapynan naqty bir talap bar. Saýl Alvares revanshqa deıin únemi dopıng-synamasyn tapsyryp otyrýy tıis. Nevada shtatynyń atletıkalyq komıssııasy meksıkalyq boksshyny alty aıǵa shettetse de, dopıng-testterdi tapsyrýǵa mindettegen joq. Oǵan qosa, «Kanelo» WBC-diń «Taza boks» baǵdarlamasynan shyǵyp ketti. Al ondaı boksshylardy eshkim teksermeıdi.
Golovkınniń bapkeri Abel Sanches te atletıkalyq komıssııanyń jeńil jazasyn synǵa alǵan bolatyn.
Al sport sarapshylary ondaı sheshimniń sebebin túsindirdi.
Budan bólek, Golovkın-Alvares revanshyn uıymdastyrý úshin Halyqaralyq boks federatsııasymen bir kelisimge kelý kerek. Sebebi atalǵan uıym Martırosıanǵa qarsy jekpe-jekten keıin Golovkındi IBF belbeýinen úmitker Sergeı Devıanchenkomen qarsy shyǵýǵa mindettep otyr. Buǵan deıin GGG-diń komandasy 20 myń dollar tólep, uıymnyń mindettemesin keıinge shegergen bolatyn.
Qazirgi kezde Tom Leffler belbeýdi qorǵaý mindetin ekinshi ret uzartýdy surap otyr.
Aıta keteıik, Golovkın men Alvarestiń ókilderi revansh ótkizýge kelisip, IBF óz ruqsatyn berse, atalǵan jekpe-jek aǵymdaǵy jyly 15 qyrkúıekte ótýi ábden múmkin.